Qytaıda Іshki Mońǵolııa polıtsııasynyń burynǵy basshysyn ólim jazasyna kesti
ASTANA. QazAqparat - QHR soty jumada kisi óltirgeni úshin aıypty dep tanylǵan Іshki Mońǵolııa avtonomııalyq aýdany polıtsııasynyń burynǵy basshysy Chjao Lıpındi ólim jazasyna kesti, dep habarlady Ortalyq Qytaı telearnasy.
Úkimdi Shansı provıntsııasy Taııýn qalasynyń soty shyǵardy. Sot sondaı-aq 2008-2010 jyldary ol zańsyz 23,7 mıllıon ıýan (3,5 mıllıon AQSh dollary) alǵanyn jarııa etti. Joǵarǵy halyq prokýratýrasy aqpannyń basynda oǵan kisi óltirdi, oq-dárini zańsyz saqtady degen aıyp taqty.
Chjao Lıpın 2015 jylǵy naýryzda Chıfen qalasynda adam atyp ketken. Keıinnen 2015 jylǵy shilde sońynda ol partııadan shyǵaryldy. Ol sondaı-aq Іshki Mońǵolııa Qytaı halyq saıası konsýltatıvtik keńesi bólimshesiniń aǵa saıası keńesshisi bolǵan.
