Qytaıda Іshki Mońǵol ákimshiliginiń eks-keńesshisine ólim jazasy oryndaldy
ASTANA. QazAqparat - QHR Іshki Mońǵol avtonomııalyq ólkesiniń Qytaı halyqtyq saıası konsýltatıvtik keńesiniń komıtet basshysynyń burynǵy orynbasary Chjao Lıpınge qatysty ólim jazasy úkimi búgin tańerteń oryndaldy.
Qytaıdyń Ortalyq televıdenıesi (CCTV) habarlaǵandaı, sheneýnik iri kólemde qylmystar jasaǵany úshin aıyptaldy. Úkimdi Shansı provıntsııasynyń halyqtyq soty aqpanda shyǵarǵan, bul apellıatsııadan keıingi sheshim bolatyn. Ótken jyly qarashada Chjao Lıpınniń 2 mln ıýan somasyndaǵy jeke múlki tárkilenip, ózi ólim jazasyna kesilip, barlyq úkimettik ókilettikterinen aıyrylǵan bolatyn.
Budan buryn sot sheneýnikti 2015 jylǵy naýryzda qasaqana kisi ólitrgeni, sondaı-aq 23,6 mln ıýan ($3,4 mln) para alǵany úshin aıypty dep tanyǵan.
