Qytaıda iri temirjol apatynyń saldarynan 35 adam qaza tapty, 200 adam zardap shekti

Bul týraly Qytaı Halyq Respýblıkasy Temirjol mınıstrliginiń ókili Van ıÝnpın baspasóz máslıhatynda málim etti.

Hanchjoýdan Venchjoýǵa bara jatqan júrdek poıyzǵa naızaǵaı túsken. Oqıǵa saldarynan elektropoıyz toqtap qalǵan, nátıjesinde ony birneshe mınýttan keıin qarsy baǵytta 250 shaqyrym/saǵat jyldamdyqpen kele jatqan poıyz kelip soqqan. Soqtyǵysý saldarynan tórt vagon relsten shyǵyp kelip, 30 metr bıiktikten qulaǵan. 24 shildedegi málimetter boıynsha, apat saldarynan 35 adam qaza tapqan, 192 adam túrli jaraqat alǵan, onyń 132-si - jergilikti aýrýhanalarda em qabyldap jatyr. Apat kezinde eki poıyzda barlyǵy 2 myńnan astam jolaýshy bolǵan.

Tótenshe oqıǵa saldarynan kóz jumǵandar men zardap shekkenderdiń arasynda Qazaqstan azamattary joq. Biraq zardap shekkenderdiń arasynda Reseı men AQSh azamattary bar kórinedi.

Poıyz apatynan keıin Qytaıdyń Temirjol mınıstrligi 58 júrdek poıyzdyń saparyn toqtatý týraly sheshim qabyldady. Qytaı ókimeti osy apattan keıin júrdek poıyzdardyń qozǵalys qaýipsizdigi sharalaryn tezirek nyǵaıtý týraly nusqaý berdi. Temirjol apatyna baılanysty mınıstrliktiń birqatar joǵary laýazymdy sheneýnigi qyzmetterinen bosatyldy.

Qytaı basylymdarynyń habarlaýynsha, bul apat Qytaıdyń júrdek temirjol júıesiniń qaýipsizdigine kúmán keltirip otyr. 10 shilde kúni Beıjińnen Shanhaıǵa bara jatqan jyldamdyǵy asa joǵary poıyz, naızaǵaıdyń saldarynan jaryqtyń sónip qalyp, Tszınan qalasynda eki saǵat boıy turyp qalǵan edi. Shilde aıynyń basynda ǵana iske qosylǵan asa joǵary jyldamdyqty poıyz jelisinde oryn alǵan osy jáne odan keıingi basqa birneshe oqıǵa quny 33 mıllıon AQSh dollaryna baǵalanǵan bul jańa júıeniń qaýipsizdigine kúmán týǵyzyp otyr.