Qytaıda iri kólik oqıǵasy: 31 kólik soqtyǵysty
ASTANA. QazAqparat - Qytaıdyń Henan provıntsııasy Chjoýkoý qalasy mańyndaǵy avtomagıstraldardyń birinde 31 kólik soqtyǵysyp qaldy, dep habarlaıdy QazAqparat Qytaıdyń Jenmın Jıbaoǵa silteme jasap.
Atalǵan memlekettik agenttiktiń habarlýyna qaraǵanda, jol-kólik oqıǵasy 8 qarasha kúni tańǵy 7:30 shamasynda óńirdegi úlken avtomagıstraldardyń birinde bolǵan. Qoıý tumannyń saldarynan, 18 jol kólik oqıǵasy tirkelip, 31 kólik zaqymdanǵan. Apattan 1 adam qaza taýyp, 6 adam túrli dene jaraqat alǵan.
Jergilikti jol polıtsııasynyń ókilderi kólikterdiń jappaı soǵylýyna aýa raıynyń qolaısyzdyǵy sebep boldy dedi.
