Qytaıda iri qarjy pıramıdalarynyń biri joıyldy
ASTANA. QazAqparat - Ezubao kredıtteýge arnalǵan ınternet-platformanyń qyzmetin tergeıtin Qytaı polıtsııasy 21 jastaǵy kúdiktini ustady, tergeý júrgizý ýaqytynda kompanııanyń 50 mlrd ıýan (7,58 mlrd dollar) aktıvteri qursaýlandy.
Ezubao jumysy Pontsı shemasy boıynsha qurylǵan, alǵash ret salymshylar jańa ınvestorlar tartý esebinen joǵary paıyzdar alady, dep habarlady TASS.
«Ezubao «Pontsı shemasy» bolyp tabylady, - dep málimdedi onyń burynǵy prezıdenti Chjan Mın, ol qazir tutqynda. Onyń aıtýynsha, kompanııanyń negizin qalaýshy Dın Nın (bul da ustalǵan) «muny bilgen».
Ezubao 2014 jyly qurylǵan. Kompanııa qarjy ónimderiniń alty túrin usynyp, jylyna 9 paıyzdan 14 paıyzǵa deıin tabysqa qol jetkizdi. Ótken jylǵy jeltoqsanda platforma salymshylarynyń sany 900 myń adamdy qurady, olar salǵan qarajattyń jıyntyq kólemi 74, 56 mlrd ıýanǵa (11,30 mlrd dollar) jetti.
Quqyq qorǵaý organdary kompanııa qyzmetin teksere bastaǵanda, onyń basshylyǵy jer astyna 1,2 myń esep-qısap qujattaryn jasyryp qoıǵan. Ony qazyp alý úshin polıtseıler 20 saǵat ketirdi. Operatsııaǵa eki ekskavator tartyldy.
Qytaıda banktik depozıt boıynsha stavkasy salystyrmaly túrde tómen bolatyn klıentterdi aldaý jaǵdaılary jıi kezdesedi. Joǵary tabysqa dámelengen olar qarajat salady. Alaıda ol túrli qarjy pıramıdalary, zańsyz ınvestıtsııalyq qor bolyp shyǵady. Taıaý ýaqytqa deıin Qytaıda jeke bankter bolmaǵany, jeke tulǵalarmen shetel bankteriniń jumysy shektelgeni jaǵdaıdy kúrdelendire tústi, sondyqtan sońǵynyń qarajatyna básekelestigi jergilikti banktik salada tómen boldy. Sı Tszınpınniń basshylyq etýimen QHR jańa basshylyǵy banktik sektordy yryqtandyrýǵa kiristi.
