Qytaıda irgesi segiz ǵasyr buryn qalanǵan aýyldaǵy birneshe úı órtendi

ChÝNTsIN.Sınhýa -QazAqparat – Búgin, jumada Qytaıdyń ońtústik-batysyndaǵy Chýntsın qalasynyń Tszıantszın aýdanynda ornalasqan ejelgi Chjýnshan aýylynda órt shyqty, dep habarlaıdy QazAqparat Sınhýa agenttigine silteme jasap.

Órt saǵat 11:35-te bastalǵan, kóptegen aǵash úı otqa orandy.

«Oqıǵa ornyna órt sóndirýshiler jiberilip, turǵyndar evakýatsııalandy. Qazirgi ýaqytta zardap shekkender týraly habarlamalar túsken joq», - dep málimdedi jergilikti bılik.

Órttiń sebepteri anyqtalýda.

Ejelgi Chjýnshan aýylynyń tarıhy 800 jyldan asady. Ol Qytaıdyń týrıstik nysandarynyń reıtıng júıesinde ekinshi turatyn 4A klasty ulttyq týrıstik aımaqtardyń qataryna kiredi.