Qytaıda Internetti paıdalanýshylar sany 384 mln. adamǵa jetti
BEIJІŃ. Qańtardyń 17-si. QazAqparat /Rýslan Súleımenov/ -2009 jylǵy jeltoqsandaǵy málimet boıynsha, Qytaıda Internetti paıdalanýshylar sany 384 mln. adamǵa jetti, bul eldiń barlyq halqynyń 28,9 paıyzyn quraıdy.
Jergilikti BAQ-tardyń Qytaıdyń jelilik aqparat ortalyǵyna silteme jasap habarlaýynsha, ótken jyldyń sońynda uıaly Internetti paıdalanatyn qytaılyqtar sany 233 mıllıonǵa jetti, 2008 jyly bul kórsetkish 120 mln. adam bolǵan edi. Olar Internetti paıdalanýshylardyń jalpy sanynnyń 60,8 paıyzyn quraıdy. Keń jolaqty Internetti paıdalanýshylar sany da arta túsýde. Qyzmettiń bul túrin 346 mıllıon adam paıdalanady. Aýyldyq jerlerde búkilálemdik kompıýter jelisin paıdalanýshylar 106,81 mln. adam boldy.
