Qytaıda ınternet paıdalanýshylardyń sany 1 mıllıardqa jýyqtady

NUR-SULTAN. QazAqparat - Qytaıdyń ınternet aqparattyq ortalyǵy jaqynda eldiń «Internetti damytý týraly statıstıkalyq esebin» jarııalady.

Jarııalanǵan aqparatta 2020 jyldyń jeltoqsan aıyndaǵy jaǵdaı boıynsha Qytaıda 989 mıllıon ınternet qoldanýshysy bar ekendigi kórsetilgen.

Statıstıka kórsetkendeı, 2015 jyly Qytaıda ınternet qoldanýshylar sany 688 mıllıon bolsa, 2020 jyly 989 mıllıonǵa jetti.Bul elde 5 jyl ishinde ınternet qoldanýshylar sany 43,7 paıyzǵa artty.

Basqasha aıtqanda, qazirgi álemde ınternet paıdalanýshylardyń árbir besinshi adam qytaılyq degen sóz.

Qytaı ınternet paıdalanýshylar arasynda, aýyldyq paıdalanýshylar sany barlyǵy 31,3% quraıdy, shamamen 309 mln.

Baıandamada Qytaıdyń aýyldyq aımaqtarynyń jartysyna jýyǵy (55,9%) ınternetke qol jetkize alatyndyǵy aıtyldy.

Qytaılyq ınternet qoldanýshylardyń bilimi turǵysynan, olardyń 40% -y orta mektepti bitirý deńgeıine ıe (9-synyp). Joǵarǵy orta mektepti (11 synyp) nemese kolledjdi bitirgen ınternetti paıdalanýshylardyń sany shamamen 20% quraıdy. Bastaýysh mektep nemese odan tómen bilimi barlar ınternet qoldanýshylar sanynyń 19% quraıdy.

Basqasha aıtqanda, bul eldegi ınternet paıdalanýshylardyń shamamen 20% ǵana joǵary bilimdi.

Kásibi boıynsha ınternet paıdalanýshylardyń 21% -y mektep oqýshylary, odan keıin 16,9% -y óz betinshe jumys jasaıtyndar / frılanserler, 8,0% -y aýyl, orman, mal sharýashylyǵy jáne balyq aýlaý salasynyń qyzmetkerleri.

Qytaı úkimetiniń ınternetti buǵattaý saıasatyna baılanysty qytaılyq ınternet qoldanýshylar basqa elderdiń ınternet qoldanýshylarymen ádettegideı baılanysqa túse almaıdy, sondaı-aq Facebook, YouTube jáne Twitter sııaqty halyqaralyq áleýmettik jelilerge kire almaıdy. Osyǵan qaramastan, qytaılyq buqaralyq aqparat quraldary Qytaı «álemdegi eń úlken sandyq qoǵamǵa ıe» dep málimdeıdi.