Qytaıda Hotan qoıy memlekettiń erekshe qorǵaýyna alyndy
ASTANA. QazAqparat - Qytaı Halyq Respýblıkasynyń Shyńjań ólkesi Pamır qodasy, Kerııa shubar úıregi, Kóktoǵaı qara taýyǵy sııaqty úsh úı janýaryn memlekettik úı janýary genetıka baılyǵyna engizýge ótinish berdi, dep habarlaıdy qytaılyq People Daily basylymy.
Bul úı janýarlarynyń memlekettik dárejede qorǵalýyn Shyńjań ólkelik mal sharýashylyǵy basqarmasy usynyp otyr. Qazirgi kúni Qytaı memlekettik úı janýarlary genetıka baılyǵy komıteti úı janýarynyń 153 túrin qorǵaýǵa alǵan. Memlekettiń qorǵaýyna alynǵan janýarlardyń qatarynda Shyńjań ólkesinen Hotan kók esegi, Shyńjań qara arasy, Shyńjań qazy, Hotan qoıy, Dolan qoıy, Qara shári jylqysy qatarly 6 úı janýarynyń túri bar. Bular joıylyp ketý qaýpi tóngen jáne sırek kezdesetin janýarlar sanalady.
Derekterge júginsek, genetıkalyq joıylýǵa olardy oılanbastan býdandastyra berý sebep bolǵan. Basqa jaqtan ákelingen tuqymdarǵa basa mán berilý, básekege qabileti tómen túrlerge kóńil bólmeý, dástúrli mal sharýashylyǵynyń róliniń tómendeýi de osy kemshilikke ákelip soqtyrǵan. Sarapshylar álemdegi janýarlardyń kóptegen baǵaly túrlerine joıylý qaýpi tónip turǵanyna basa mán berip, qoǵamǵa olardyń genetıkalyq resýrsyn saqtap qalýǵa belsendi atsalysýǵa shaqyrady.
