Qytaıda hımııalyq zaýytta jarylys boldy

ASTANA. QazAqparat - Qytaıdyń Tszıansı provıntsııasyndaǵy hımııalyq zaýytta jarylys boldy, dep habarlaıdy QazAqparat.

Qytaıdyń Sınhýa aqparat agenttiginiń málimetinshe, 1 shilde kúni tańǵy saǵat 10:30 shamasynda Tszıansı provıntsııasy Gýısı qalasynyń órt-qutqarý komandalyq ortalyǵyna «Tszıansı Tsıantaı jańa materıal» JShS órtenip jatqany týraly habarlama túsken.

Habarlama túskennen keıin Gýısı qalalyq órt sóndirý brıgadasy, tótenshe jaǵdaılar jáne basqa da tıisti bólimsheler oqıǵa ornyna attandy. Qazirgi ýaqytta órt sóndirýshiler jalyndy aýyzdyqtaýǵa bar kúsh-jigerin salyp jatyr, jaǵdaı baqylaýǵa alyndy.

Barlyq qyzmetkerler men zaýyttyń mańaıyndaǵy adamdar evakýatsııalandy. Ázirge zardap shekkender týraly aqparat túsken joq.

Órttiń shyǵý sebebi anyqtalýda.

Vıdeo ınternetten alyndy