Qytaıda hımııalyq zaýytta bolǵan jarylys kezinde toǵyz adam qaza boldy
ASTANA. 14 sáýir. QazAqparat - Qytaıdyń soltústik-shyǵysyndaǵy Heılýntszıan ýálaıatynda hımııalyq kombınatta jarylys bolyp, oqıǵa saldarynan toǵyz adam qaza tapty.
Bul týraly Qytaıdyń buqaralyq aqparat quraldary jergilikti ókimetke silteme jasap habarlady.
Jarylys 13 sáýir kúni jergilikti ýaqyt 22.10-da (Máskeý ýaqyty boıynsha 18.10) Datsın qalasyndaǵy hımııalyq zaýytta bolǵan. Jarylystan keıin óndiristik jaılarda órt bastalǵan. Órt sóndirýshiler jalyndy birneshe saǵattyń ishinde ázer aýyzdyqtady.
Resmı málimetter boıynsha, jarylys kezinde ishte 14 adam bolǵan, olardyń beseýi syrtqa aman-esen shyǵyp úlgergen. Oqıǵanyń sebebi anyqtalýda.
