Qytaıda hımııalyq zaýyt órtenip jatyr
ASTANA. Qazannyń 20-sy. QazAqparat - Qytaıdyń shyǵysyndaǵy Nankın qalasynda hımııalyq zaýyt órtenip jatyr. RBK agenttiginiń habarlaýynsha, oqıǵa saldarynan qaza tapqandar men zardap shekkender týraly aqparat ázirge joq.
Órt búgin, qazannyń 20-sy kúni tańerteń hımııalyq zaýyttan shyqqan, dep habarlaıdy ITAR-TASS agenttigi.
Al «Sınhýa» agenttigi oqıǵa ornyna kelip túsken derekter boıynsha, órt bolyp jatqan aýmaqta qýatty jarylystar estilip jatqanyn habarlady. Kýágerlerdiń aıtýynsha, zaýyt qara tútinge oralǵan. Oqıǵa ornyna órt sóndirýshiler men qutqarýshylardyń qosymsha kúshteri tartylyp jatyr.
Órttiń shyǵý sebebi men onyń saldarynan kelgen shyǵyndar týraly da málimet joq.
