Qytaıda halyqtyń 83,4 paıyzy uıaly ınternetti paıdalanady
ASTANA. QazAquparat - China Internet Network Information Center (CNNIC) «Qytaı ınternetiniń damýy týraly statıstıkalyq esepti» jarııalady, dep habarlady «Rossııskaıa gazeta».
Onda 2014 jylǵy maýsymda qytaılyq ınternet-paıdalanýshylar sany 632 mln. adamǵa jetkeni kórsetilgen. Bul 2013 jylǵydan 14,5 mln. kóp. Sonyń ishinde uıaly ınternetti paıdalanýshylar sany 527 mln. adamǵa jetti, bul budan bir jyl burynǵydan 26,99 mln. adamǵa kóp.
Uıaly ınternetti paıdalanýshylar úlesi paıdalanýshylardyń jalpy sanynyń 83,4 paıyzyna jetti, sóıtip alǵashqy ret dástúrli derbes kompıýter paıdalanýshylardan (80,9 paıyz) asyp tústi.
Jyldyń alǵashqy jartysynda uıaly tólemderdiń ósimi 63,4 paıyzǵa jetti, dep habarlady «Jenmın jıbao».
Qytaıda uıaly ınternettiń bulaısha ósý tasqyny elde tórtinshi urpaq jelilerin óristetý týraly sheshim qabyldanǵannan keıin múmkin boldy. 2014 jyldyń sońynda Qytaıda 4G stansalardyń sany 2 mıllıonnan aspaq.
