Qytaıda halyqty býsterlik vaktsınalaý naýqany bastaldy
BEIJІŃ. QazAqparat –Qytaıdyń birqatar provıntsııasynda halyqtyń negizgi bóligin býsterlik vaktsınalaý sharasy bastaldy, dep habarlaıdy QazAqparattyń menshikti tilshisi.
Jergilikti BAQ-tyń habarlaýynsha, Qytaıdyń Anhoı, Fýtszıan, Hýbeı, Heılýntszıan provıntsııalarynyń birqatar qalasynda jáne Gýansı-Chjýan avtonomııalyq aýdanynda ótken demalys kúnderi halyqtyń negizgi bóligin qaıtadan vaktsınalaý naýqany bastaldy.
Fýtszıan provıntsııasynyń Tszıntszıan qalasynda (Shyǵys Qytaı) halyqtyń osal toptaryna COVID-19-ǵa qarsy preparattyń úshinshi dozasyn saldyrtý 20 qazanǵa deıin aıaqtalýy tıis. Atalmysh provıntsııanyń taǵy bir qalasy Sıamende 12 jastan asqan azamattar koronavırýsqa qarsy vaktsınanyń qosymsha dozalaryn ala bastaıdy.
