Qytaıda halyq sany 1,41 mlrd adamnan asty

BEIJІŃ. QazAqparat – Qurlyqtyq Qytaı turǵyndarynyń sany 1,41178 mlrd adamǵa jetti. Bul týraly QazAqparat QHR Memlekettik statıstıkalyq basqarmasynyń búgingi málimdemesine silteme jasap habarlaıdy.

«Qurlyqtyq Qytaıda halyq sany 1,41178 mlrd adamǵa jetip, 2020 jyly kóbeıýin jalǵastyrdy» delingen taratylǵan baıandamada.

Qala turǵyndarynyń úlesi 901,99 mln adamǵa jetip, el turǵyndarynyń jalpy sanynyń 63,89 paıyzyn qurady.

Elde 60 jas jáne odan asqandar úlesi 18,7 paıyzdy qurady, bul 2010 jyly ótken halyq sanaǵyndaǵy kórsetkishten 5.44 paıyz joǵary.

Er adamdardyń áıelderge araqatynasy 105,07:100 quraǵan.

Qytaıdaǵy 7-shi jalpyulttyq halyq sanaǵyna sáıkes, sońǵy onjyldyqta el turǵyndarynyń sany ortasha eseppen alǵanda jylyna 0,53 paıyzǵa artyp keledi.

Eske sala ketsek, Qytaıda jetinshi halyq sanaǵy 2020 jyldyń qarasha aıynda bastaldy.