Qytaıda «Hagýpıt» taıfýny saldarynan júzdegen myń adam qaýipsiz jerge shyǵaryldy
BEIJІŃ. QazAqparat – Seısenbige qaraǵan túni Qytaıdyń shyǵys bóliginiń Chjetszıan provıntsııasynda Hagupit (Hagýpıt) taıfýny bastaldy. Bul – bıyl Qytaıda bolǵan tórtinshi taıfýn, dep habarlaıdy QazAqparat Sınhýa agenttigine silteme jasap.
QHR Ulttyq meteorologııa ortalyǵy taıfýn el jaǵalaýynda jergilikti ýaqyt boıynsha shamamen saǵat 3:30-da bastalǵandyǵyn málim etti. Onyń jyldamdyǵy sekýndyna 38 metrge deıin jetken.
Taıfýnmen birge, Chjetszıan jáne Fýtszıan provıntsııalarynda nóser jaýyn jaýyp, qatty jel soǵa bastady.
Meteorologtar taıfýnnyń Qytaıdyń soltústigine qozǵalyp, qarqyny sol jerde basyla túsetinin eskertedi. Daýyl el aýmaǵynda seısenbiniń keshinde basylyp, odan keıin Koreıa túbeginiń batys jaǵyna qaraı yǵysady.
Dúısenbi kúni saǵat keshki 10-ǵa qaraı Chjetszıan provıntsııasynda 381 375 adam qaýipsiz jerge shyǵarylǵan.
Fýtszıan provıntsııasynda taıfýn saldarynan temirjol tasymaly men qurylys jumystary toqtatylǵan.
PHOTO: EPA-EFE
