Qytaıda H7N9 qus tumaýynyń jańa qozdyrǵyshyn juqtyrýdyń 7 oqıǵasy tirkeldi
BEIJІŃ. 3 sáýir. QazAqparat - Tszıansý batys qytaı provıntsııasynda H7N9 qus tumaýy vırýsyn juqtyrýdyń 4 jaǵdaıy tirkelgendigi rastaldy.
QHR densaýlyq saqtaý jáne bala týýdy josparlaý isteri jónindegi memlekettik komıtettiń taratqan aqparatyna sáıkes, naýqastardyń jaǵdaıy asa aýyr. Ótken demalys kúnderi Shanhaı men Anhoı provıntsııalarynda H7N9 qus tumaýy qozdyrǵyshyna shaldyǵýdyń alǵashqy úsh oqıǵasy tirkeldi. Olardyń ekeýi ólimmen aıaqtaldy.
3 sáýir kúngi aqparatqa júginsek, Qytaıda qus tumaýynyń jańa vırýsyn juqtyrýdyń 7 jaǵdaıy anyqtaldy.
Dúnıejúzilik densaýlyq saqtaý uıymy H7N9 qus tumaýyn adamnyń juqtyrý faktisiniń rastalýyna baılanysty alańdaýshylyq bildirýde. Degenmen, vırýstyń adamnan adamǵa juǵý jaǵdaılary anyqtalǵan joq.
Búgingi tańda Qytaı bıligi qus tumaýynyń jańa qozdyrǵyshyn anyqtaý boıynsha monıtorıngileýdiń ulttyq júıesin iske qosty. Beıjiń men Shanhaı ispetti iri qalalarda qus tumaýynyń belgisiz túrine baılanysty oryn alǵan tótenshe jaǵdaılarmen ári aýrýdyń iri oshaǵymen kúresýdiń jospary ázirlendi. Shanhaı qalasynyń bıligi qus tumaýy vırýsynyń jańa túriniń tabylýyna baılanysty tótenshe jaǵdaı qaýpiniń úshinshi - «sary» deńgeıi týraly jarııalady.
