Qytaıda «Gýandýn-Gonkong-Makao» jańa erkin saýda aımaǵy qurylady
BEIJІŃ. 23 qarasha. QazAqparat - Qytaıda jaqyn ýaqytta taǵy bir erkin saýda aımaǵy (ESA) paıda bolýy múmkin. Gýandýn provıntsııasynyń gýbernatory Chjý Sıaodan ortalyq úkimetke aımaqta ESA qurýǵa ótinim berýdi josparlap otyrǵanyn málimdedi.
Jergilikti bılik «Gýandýn-Gonkong-Makao» jańa erkin saýda aımaǵyn qurýdy josparlap otyr. «Ortalyqpen keńeskennen basqa, biz Gonkong jáne Makao úkimetterimen pikir almasamyz», - dep habarlady gýbernator.
Eske sala keteıik, qyrkúıek aıynda Shanhaıda osyndaı alǵashqy pılottyq saýda alańy qurylǵan.
Jaqynda ótken 18-shi shaqyrylymdaǵy Qytaı Kompartııasy OK 3-shi plenýmynda qabyldanǵan qaýlyda elde ashyq túrdegi jańa ekonomıkalyq júıeni qalyptastyrý mindeti qoıylǵan bolatyn. ESA qurý reformalar jáne ashyqtyq saıasatyn ilgeri bastyrýǵa jasalǵan qadamdardyń biri bolyp tabylady, delingen qujatta.
