Qytaıda general para alǵany úshin ómir boıy túrmege kesildi
ASTANA. QazAqparat - Qytaıdyń otstavkadaǵy generaly Go Bosıýn áskerı sot úkimimen sybaılas jemqorlyq isi boıynsha ómir boıy túrmege otyrýǵa kesildi, dep habarlady qytaılyq memlekettik BAQ.
75 jastaǵy general para alýǵa jáne qyzmettik mansabyn asyra paıdalanýǵa aıyptalýda.
Generaldy sottaý jabyq jaǵdaıda ótýde, onyń urlaǵan qarajattarynyń mólsheri resmı jarııalanǵan joq. South China Morning Post basylymynyń málimetterinshe, Go Bosıýn 12,4 mln. dollarǵa jýyq somada para alǵany úshin sottalýda.
Generaldyń ózi osy jylǵy sáýir aıynda istegen qylmysyn moıyndady jáne ókinishin bildirdi, biraq ta úkimge shaǵym bermeıtinin aıtty.
QHR Tóraǵasy Sı Tszınpın bılik basyna kelgen boıda aýqymdy sybaılas jemqorlyqqa qarsy naýqandy bastady, onyń barysynda birneshe ondaǵan joǵary shendi sheneýnikter túrmege otyrǵyzyldy.
