Qytaıda gaz qubyrynda jarylys bolyp, segiz adam qaza tapty
ASTANA. QazAqparat - Qytaıda gaz qubyrynda jarylys bolyp, saldarynan segiz adam qaza tapty, dep habarlaıdy Sınhýa agenttigi.
«Jeksenbi kúni tańǵy saǵat 10:00 shamasynda Qytaı-Mıanma gaz qubyrynyń bóliginde bolǵan jarylys saldarynan segiz adam qaza taýyp, 35 adam zardap shekti. Apat bolǵan gaz qubyrynyń operatory - "Petrochaına" qytaı munaı gaz korporatsııasy. Oqıǵa Qytaıdyń ońtústik batysyndaǵy Gýıchjoý provıntsııasynyń Tsınlýn ýezi Tsıansınan-Býı-Mıaoskogo avtonomdy aýdanynda boldy», - delingen habarlamada.
Aıta keteıik, zardap shekkenderdiń 4-eýiniń jaǵdaıy aýyr.
