12:13, 25 Qańtar 2021 | GMT +5
Qytaıda gaz qubyry jarylyp 2 adam kóz jumdy
NUR-SULTAN. Sınhýa-QazAqparat - 25 qańtarda tańerteń jergilikti ýaqytpen saǵat 6 shamasynda Qytaıdyń Lıaonın provıntsııasyndaǵy Dalıan qalasynda tabıǵı gaz qubyry jaryldy, dep habarlaıdy QazAqparat Sınhýa agenttigine siltememen.

Agenttiginiń málimetinshe, Dalıan qalasynyń Tszınchjoý aýdanyndaǵy bir turǵyn úı mańynda eki ret jarylys bolǵan.
Alǵashqy jarylystan keıin oqıǵa ornynda bolǵan 10-ǵa jýyq kólikke túrli dárejede zaqym kelip, keıbiri órtenip ketti. Jaqyn mańda ornalasqan kólik jóndeý sheberhanasynda órt sóndirý qyzmeti jalynmen arpalysyp jatqanda ekinshi jarylys boldy. Jarylys qubyrdan gazdyń shyǵýy saldarynan bolǵan.
Apat saldarynan 2 adam qaza taýyp, 8 adam jaraqat alǵan.
Qazirgi ýaqytta jaraqat alǵandar aýrýhanada em alyp jatyr. Jergilikti memlekettik organdar men polıtsııa apattyń sebebin anyqtaý úshin tergeý jumysyn júrgizýde.