Qytaıda ejelgi mazardy tonaýmen aınalysqan 29 adam ustaldy

ShANHAI.Sınhýa-QazAqparat – Qytaıdyń shyǵysynda polıtseıler kóne mazarlardy tonaýmen aınalysqan iri qylmystyq topty taýyp, urlanǵan qundy dúnıelerdi qaıtardy. Atalmysh is boıynsha 29 kúdikti ustaldy, dep habarlaıdy QazAqparat Sınhýa agenttigine silteme jasap.

Hýaınan qalasy (Anhoı shyǵys provıntsııasy) Qoǵamdyq qaýipsizdik basqarmasyyń qyzmetkerleri qylmyskerlerdiń izine ótken jyly túsken. Tergeý isi ustalǵandardyń Shaıqasýshy patshalyq dáýirine (b.e.d. 475-221 jj) jatatyn qabirdi úsh ret tonaǵanyn anyqtady.

Qala polıtsııasy basshysy Lı Anlınniń aıtýynsha, qylmyskerler qorymnan 75 zat alyp shyqqan, olardyń 26-sy memleket tarapynan qorǵalatyn joǵary deńgeıli mádenı qundylyqtar qataryna engen. Tintý barysynda kúdiktilerden 40 kelige jýyq jarylǵysh zat pen 15 detonator alyndy.

Tonalǵan mazardyń jalpy aýmaǵy 5,8 myń kv.m. Ol 1981 jyly Anhoı provıntsııasynyń mańyzdy mádenı eskertkishteriniń tizimine engen edi.