Qytaıda esirtkimen ustalǵan 20 jasar qazaq qyzyna ómir boıy bas bostandyǵynan aıyrý týraly sheshim shyǵardy
ALMATY. QazAqparat - Qytaıda esirtkimen ustalǵan 20 jasar qazaq qyzy Aqjarqyn Turlybaıǵa qatysty sot úkimi shyqty. Birinshi ınstantsııa ony ómir boıy bas bostandyǵynan aıyrý týraly sheshim shyǵardy. Bul týraly qorǵaýshy Suńqar Nurmaǵambetov habarlady.
«Biz bul sheshimmen kelispeımiz. Atalǵan sot úkiminiń ústinen apellıatsııalyq shaǵym túsiremiz», - dedi Suńqar Nurmaǵambetov. Esterińizge sala keteıik, Qytaıǵa shyqqan alǵashqy saparynda 20 jastaǵy qazaqstandyq boıjetken Aqjarqyn Turlybaı 3 naýryzda Gýanchjoý áýejaıynda ustalǵan bolatyn. Onyń sómkesinen qytaı polıtseıleri esirtki tapty. Qorǵaýshy tarap esirtki zattaryn Qytaıda Aqjarqynnyń sómkesine bireý salyp jiberýi ǵajap emes, deıdi.
