Qytaıda esek-aranyń shabýylynan 40-tan astam adam qaza boldy
ASTANA. 4 qazan. QazAqparat - Qytaıdyń Shensı provıntsııasynyń turǵyndary esek-aranyń shabýylynan dabyl qaǵýda. Oqıǵa saldarynan 41 adam ólgen, 1600-den asa adam jaraqat alyp, aýyr halde aýrýhanaǵa jetkizildi, dep habarlady Lenta.rý.
Ankanag qalasynda olardyń shabýylynan 19 adam kóz jumdy. Al eki kórshiles qalada da aýyr jaǵdaı qalyptasty: olarda 22 jergilikti turǵyn ólgen.
Jándikpen kúreske órt sóndirýshiler tartyldy, medıkter brıgadasy kúsheıtilgen qyzmet kestesine kóshirildi, budan basqa qosymsha brıgadalar quryldy.
Jergikti bılik esek-ara shaǵylysý kezeńinde jáne kúzgi mıgratsııa kezinde asa qaýipti ekenin aıtady. Mamandar jándikterdiń agressııalyq qulqyn jyl boıy qurǵaq jáne jyly aýa raıy bolýymen baılanystyrady.
2012 jylǵy maýsymda osyǵan uqsas jaǵdaı Taılandta boldy. Uıaly ara eldiń soltústigindegi Chıangmaı provıntsııasynda býdda hramyna shabýyl jasady. Bul shabýyldan 70 monah zardap shekti, 19-y aýyr jaǵdaıda aýrýhanaǵa jetkizildi, olardyń birnesheýi esinen aıyryldy.
