Qytaıda erli-zaıyptylar tyńshylyq áreketi úshin qamaýǵa alyndy
ASTANA. QazAqparat - Qytaı soty brıtanııalyq Pıter Hamfrı men onyń áıeli ıÝı In Tszendi tyńshylyq jasaǵandary úshin aıyptap otyr, dep habarlady BBC
AQSh azamattyǵyn alǵan erli-zaıyptylar «GlaxoSmithKline» farmatsevtıkalyq kompanııasyndaǵy qyzmetteri retinde jeke tulǵalarǵa zańsyz tyńshylyq júrgizgen. Endi Pıter Hamfrı 2,5 jylǵa, ıÝı In Tszen 2 jylǵa ómirlerin túrmede ótkizedi. Tergeý nátıjesi boıynsha, Hamfrı men ıÝı brıtanııalyq korporatsııanyń qytaılyq fılıalyndaǵy qyzmetkerlerdiń para alǵany jónindegi aqparatty anyqtamaq bolǵan. «GlaxoSmithKline» kompanııasynyń burynǵy fılıal menedjeri Mark Reılı ótken jyly korporatsııadaǵy saýda kólemin jemqorlyqpen ulǵaıtqany úshin aıyptalǵan bolatyn. Qazirgi ýaqytta «GlaxoSmithKline» kompanııasyna tergeý júrgizilýde.
