Qytaıda er adam ushyp bara jatqan jolaýshylar ushaǵyn órtemek bolǵan
ASTANA. QazAqparat - Qytaıda Shenzhen Airlines áýe kompanııasy reısiniń jolaýshysy laıner bortyna órt qoımaq bolǵan, dep habarlady memlekettik BAQ dep jazady Bı-bı-sı.
Oqıǵa 95 jolaýshy, toǵyz ekıpaj múshesi mingen ushaqtyń el ońtústigindegi Gýanchjoý qalasyna qonar sátinde oryn alǵan. Esimi atalmaǵan er adam ottyq pen janǵysh suıyqtyq qoldanyp, órt uıymdastyrmaq bolǵan. Ekıpaj músheleri men basqa da jolaýshylar qaskúnemdi der kezinde toqtatyp úlgerdi. Eki adam zardap shegip, laıner qonǵannan keıin aýrýhanaǵa jetkizildi. Barsha álemdegi avıokompanııalar sııaqty qytaı tasymaldaýshylary da bortqa shaqpaq pen tez janǵysh suıyqtyqtardy alyp kirýge tyıym salady. Er adamnyń áýejaıdaǵy tekserýden qalaı ótip ketkeni belgisiz.
