Qytaıda eń joǵary deńgeıli tótenshe jaǵdaı jarııalandy

BEIJІŃ. SINЬHÝA-QazAqparat – QHR-dyń Sý sharýashylyǵy mınıstrligi men Meteorologııa basqarmasy eldiń ońtústigindegi taýly ólkede sel júrý qaýpi týyndaýyna baılanysty qyzyl deńgeıli tótenshe jaǵdaı jarııalady, dep habarlaıdy QazAqparat Sınhýa agenttigine silteme jasaı otyryp.

Meteorologterdiń málimeti boıynsha, 2 shilde kúni 20:00-den bastap Gýandýn provıntsııasynyń batys bóligi men Gýansı-Chjýan avtonomdy ólkesiniń shyǵysyndaǵy keı jerlerde taýda sel júrý qaýpi artqan.

Jergilikti bılikke baqylaýdy kúsheıtý jáne sý tasqyny, sel bola qalǵan jaǵdaıda aldyn ala habarlaýǵa muqııat daıyn bolý tapsyryldy. Sondaı-aq jergilikti turǵyndardy qaýipsiz aımaqqa kóshirýge daıyndalý eskertildi.

Aıta ketý kerek, Qytaıda tótenshe jaǵdaı 4 deńgeı boıynsha belgilenedi: kók, sary, qyzyl sary jáne eń joǵarǵy qyzyl deńgeı.

Foto: AFP / Getty Images