Qytaıda eń uzyn shyny kópir salyndy
ASTANA. QazAqparat - Qytaıda álemdegi eń uzyn shyny kópir qurylysy aıaqtaldy.
393 metrlik kópir Ulttyq Chjantszıatsze (provıntsııa Hýnan provıntsııasy) saıabaǵynda jerden 300 metr bıiktikte ornalasqan. Eni - 6 metr. Rosbalt habarlaǵandaı, kópir 1 mamyrda ashylý kerek bolatyn. Alaıda qurylys jumysy sozylyp ketti. Kelýshiler úshin ol shildede ashylady dep kútilýde. Qazir óńirde nóser jaýyn jaýýda.
Budan buryn qurylysshylar kópirdiń shyny jamylǵysy qaýipsizdikke synaqty 100-retke jýyq ótkenin málimdedi. Kópir 800 adamnyń salmaǵyn kótere alady. Kópirdiń aýa temperatýrasynyń ózgerisine, jel soqqan kezdegi ornyqtylyǵyna qosymsha testter júrgizildi.
Bul jerdiń tabıǵaty kóz tartarlyq kórkimen erekshe.
