Qytaıda eń úlken jabyq jaǵajaı men «Tıtanık» kemesiniń kóshirmesi jasalady
ASTANA. QazAqparat - 2016 jyly Qytaıdyń ońtústik-batysyndaǵy Sychýan ólkesine qarasty Daın ýezinde «Romantıkalyq Jerorta teńizi» halyqaralyq mádenı-týrıstik shıpajaıy jobasyn júzege asyrý aıasynda «Tıtanık» jolaýshylar laınerin salý josparlanýda.
Jańa týrıstik shıpajaı salý úshin qajetti ınvestıtsııanyń jalpy kólemi 10 mlrd. ıýandy (1,6 mlrd. dollar) quraıdy. Bul jerde «Tıtanık» laıneriniń kóshirmesin, álemdegi eń úlken jabyq jasandy jaǵajaı, úshólshemdi ınteraktıvti teatr, sonymen qatar kóptegen saýda jáne bıznes ortalyqtaryn salý josparlanǵan.
Jobany júzege asyrýmen qytaıdyń «Jeti juldyz» ınvestıtsııalyq kompanııasy aınalyspaq. Ol Gollıvýdpen jáne The Walt Disney Company kompanııasymen tyǵyz qarym-qatynasta ekendigi belgili.
