Qytaıda elektr stansasynyń opyrylyp qulaýy saldarynan zardap shekkender sany 67 adamǵa jetti
Tszıansı provıntsııasy (Shyǵys Qytaı) Fenchen qalasyndaǵy elektr stansasy salqyndatý munarasynyń qurylys qurylǵylarynyń opyrylýy saldarynan zardap shekkender sany 67 adamǵa jetti.
Bul týraly "Chjýngo Tszıansıvan" jergilikti aqparat portaly habarlady.
Budan buryn 40 adamnyń qaza tapqany málim bolǵan. Bir adam áli tabylmaǵan, izdeý-qutqarý operatsııasy jalǵasýda.
Qutqarý jumystaryna 32 órt sóndirýshi, toǵyz arnaıy úıretilgen ıt, sondaı-aq eki robot-qutqarýshy tartylǵan.
