Qytaıda elektr stansasyndaǵy apat saldarynan qaza tapqandar sany 74 adamǵa jetti
ASTANA. QazAqparat - Tszıansı provıntsııasy (Shyǵys Qytaı) Fenchen qalasyndaǵy elektr stansasy salqyndatý munarasynyń qurylysy opyrylyp qulaýy saldarynan qaza tapqandar sany 22:00-degi derek boıynsha 74 adamǵa jetken. Sondaı-aq, eki adam zardap shekken, dep habarlaıdy Sınhýa.
Qazirgi ýaqytta qaza tapqan adamnyń 68 múrdesi tanyldy.
Mert bolǵan jandar - 23-53 jas aralyǵyndaǵylar. Jergilikti bılik opat bolǵandardyń týystarymen tildesip, psıhologııalyq turǵyda demeý bolýda.
Al 500-ge jýyq qutqarýshy, olardyń ishinde áskerılendirilgen polıtsııa 165 sharshy metr jerdi qırandylardan tazartyp jatyr.
