Qytaıda eldegi eń iri altyn ken orny ashyldy
ASTANA. QazAqparat - Qytaıdyń Shandýn provıntsııasynda el tarıhyndaǵy eń iri altyn ken orny ashyldy, dep habarlaıdy Lenta.rý.
Mamandardyń baǵalaýynsha, baǵaly metall kólemi 382,58 tonnany quraıdy, kenniń jalpy quny 22 mıllıard dollardan asady.
Geolotgtardyń málimdeýinshe, altyn kenishi qabatynyń eni 67 metrge jetedi, uzyndyǵy - shamamen eki shaqyrym. Jynystaǵy baǵaly metaldyń ortasha úlesi tonnasyna 4,52 gramm.
2015 jyldyń qazan aıynda Búkilálemdik altyn keńesi (World Gold Council) jarııalaǵan derekterge súıensek, altyn qory boıynsha álemde AQSh birinshi orynda tur (8133 tonna), ekinshi orynda - Germanııa (3381 tonna), úshinshi orynda - Halyqaralyq valıýta qory (2184 tonna). Altyny eń az memleket - Iemen, onda 1,6 tonna ǵana altyn qory bar.
