Qytaıda ekinshi ǵarysh zerthanasy ashylady

BEIJІŃ. QazAqparat - 2016 jyly Qytaı óziniń ekinshi ǵarysh zerthanasyn ashyp, altynshy basqarylatyn mıssııasyn ǵaryshqa jóneltýdi kózdep otyr. Bul týraly China Daily qytaılyq ǵarysh tehnologııalary akademııasyna silteme jasap málim etti.

Tıangýn-2 zerthanasy QHR bolashaq ǵarysh stansasy úshin ǵaryshtaǵy tirshilik áreketin qoldaý tehnologııasyn synaqtan ótkizedi. Ol ushyrylǵan soń Shenchjoý-11 ǵarysh kemesi Long March 2F zymyran-tasyǵyshynda taıkonavtardy orbıtaǵa jetkizedi.

Sonymen qatar kelesi jyly Qytaı júk tasymaldaıtyn alǵashqy Tıanchjoý-1 ǵarysh kemesin ushyrmaq. Ol Tıangýn-2-ge qondyrǵylar men janar-jaǵar maıdy jetkizedi. Ǵarysh stansasynyń negizgi modýli 2018 jyly ushyrylady, al 2022 jyly tolyqqandy qyzmet atqara bastaıdy dep kútilýde. Eske sala keteıik, Tıangýn-1 zerthanasy orbıtaǵa 2011 jyldyń qyrkúıeginde shyǵarylǵan. Qazir Qytaı eń aýyr jáne tehnıkalyq jaǵynan kúrdeli bolyp tabylatyn Long March 5 zymyran-tasyǵyshyn qurastyryp jatyr. Onyń salmaǵy 800 tonnany, uzyndyǵy 57 m, dıametri - 5 m, jer orbıtasyna júk kóterý qýattylyǵy 25 tonnany jáne geosınhrondy orbıtaǵa júk kóterý qýattylyǵy 14 tonnany quraıdy. Tehnıkalyq sıpattary boıynsha ol amerıkalyq Delta IV jáne Atlas V zymyran-tasyǵyshtarymen terezesin teńestirmek.