Qytaıda ekiqabatty qonaqúı qulap, 29 adam mert boldy

NUR-SULTAN. QazAqparat – Qytaıdyń Shansı provıntsııasynda eki qabatty qonaqúı qulap, oqıǵanyń saldarynan 29 adam qurban boldy, dep habarlaıdy QazAqparat Sınhýa agenttigine silteme jasap.

Agenttiktiń habarlaýynsha, osy ýaqytta oqıǵaǵa baılanysty adamdardy izdestirý jumystary aıaqtaldy.

Ekiqabatty qonaqúı senbi kúni jergilikti ýaqyt boıynsha tańǵy saǵat 9:40-ta Qytaıdyń Shansı provıntsııasyna qarasty Lınfen qalalyq okrýgindegi Sıanfen ýezinde bolǵan. Apattyń neden bolǵandyǵy ázirge anyqtalǵan joq.

Agenttiktiń habarlaýynsha, izdeý-qutqarý jumystary jeksenbige qaraǵan túni aıaqtalǵan.

Qutqarýshylar qırandylardyń astynan 57 adamdy tapqan, olardyń 29-y mert bolǵan. 7 adamnyń jaraqaty aýyr, 21 adam jeńil jaraqat alǵan. Osy kezde aýyr jaralanǵandardyń ómirine qaýip tónip turǵan joq, olarǵa qajetti medıtsınalyq kómek kórsetilýde.

Qutqarý operatsııasy aıaqtalǵan soń oqıǵanyń sebep-saldaryn anyqtaý jónindegi komıssııa quryldy.