Qytaıda eki jasar qyz kir jýatyn mashınanyń ishinde qysylyp qalǵan

ASTANA. QazAqparat - Qytaıda órt sóndirýshiler kir jýatyn mashınanyń ishinde qysylyp qalǵan eki jasar qyzdy qutqardy. Bul týraly CCTV+ basylymy jazdy.

Oqys oqıǵa QHR soltústik batysyndaǵy Ýchjýn qalasynda oryn aldy. Shaqyrý boıynsha kelgen órt sóndirýshiler kir jýatyn mashınanyń ishinen jylaǵan balanyń daýsyn estıdi. Shamasy, búldirshin tıegish lıýk arqyly keptirgishke shyqqan da ishinde qalyp qoıǵan.

Órt sóndirýshiler  ári-beri zerttep, mashınany bólshekteýdi, sodan soń keptirgish barabandy aǵytyp alýǵa bel býdy. Jıyrma mınýttan keıin balany shyǵaryp alýdyń sáti tústi. Qyz  eshqandaı zardap shekpegen, dep habarlaıdy  lenta.ru.