Qytaıda eki keme soqtyǵysty

ShANHAI. QazAqparat – Qytaıdyń shyǵysyndaǵy Chjetszıan provıntsııasynyń sý aıdynynda eki kemeniń soqtyǵysýy saldarynan bir adam mert boldy, taǵy eki adam habar-osharsyz joǵalyp ketti, dep habarlaıdy QazAqparat «Chjýngo sınvenvan» aqparat resýrsyna silteme jasap.

Oqıǵa sársenbi kúni keshke Chjoýshan araldarynyń shyǵysynda bolǵan. Apat belgisi Panamada tirkelgen júk kemesi men qytaılyq balyq aýlaıtyn shhýnanyń soqtyǵysýynan keıin alynǵan. Oqıǵa ornyna kelgen qutqarýshylar sýdan tórt adamdy taýyp alyp shyqty, taǵy bireýi kóz jumǵan, ekeýi ázirge habar-osharsyz.

Іzdeý-qutqarý jumystaryna jaqyn mańdaǵy jaǵalaý kúzetiniń kemeleri, balyq aýlaıtyn jáne ózge de azamattyq kemeler tartylýda. TJ oryn alǵan aýmaqta keme qatynasy ýaqytsha shektelgen.