Qytaıda eki basy, úsh qulaǵy bar buzaý dúnıege keldi - FOTO
ASTANA. QazAqparat - Qytaıdaǵy qazaqtar jıi qonystanǵan Іle oblysy Nylqy aýdanynda turatyn Erlan esimdi azamattyń úıinde eki basy, úsh qulaǵy bar buzaý dúnıege keldi, dep jazady Qamshy.kz.
Erlannyń aıtýynsha, sıyrdyń týatyn ýaqyty bolsa da, úsh kún týa almaı qınalyp júrgen.
«Basynda biz maldy aýyryp qaldy ma dep oıladyq, biraq aýyra qoıatyndaı jaǵdaı bolǵan joq», - deıdi Erlan.
«Týý barysynda mal qatty qınalyp, ólýge jaqyndaǵan soń, baýyzdap aldyq. Soıý barysynda álgindeı jaǵdaıdy kórip jaǵamyzdy ustadyq. Sıyrdyń ishin jarǵanda eki basy, úsh qulaǵy bar buzaý shyqty», - dedi maldyń ıesi.
«Zamannyń azǵany men qorshaǵan ortanyń aýyr deńgeıde lastanǵany da buǵan sebep bolýy múmkin», - deıdi Erlan.
