Qytaıda eki adam qus tumaýyna shaldyqty
BEIJІŃ. 11 aqpan. QazAqparat - Qytaıdyń Densaýlyq saqtaý mınıstrligi adamdardyń qus tumaýynyń H5N1 vırýsyna shaldyǵýynyń eki oqıǵasy týraly málim etti.
Qytaılyq BAQ-tardyń habarlaýynsha, ótken jeksenbi kúni eldiń ońtústik-batysyndaǵy Gýıchjoý provıntsııasynda adamdardyń H5N1 vırýsyna shaldyǵýynyń eki oqıǵasy tirkeldi.
Jergilikti turǵyndar - 21 jastaǵy áıel men 31 jastaǵy er adamnan H5N1 vırýsyna alynǵan taldaýlardyń qorytyndysy osyny kórsetti. Dárigerlerdiń aıtýynsha, olardyń jaǵdaıy nashar jáne medıtsınalyq qyzmetkerler olarǵa táýlik boıy jedel kómekterin kórsetýde. «Eki oqıǵa arasynda epıdemıologııalyq baılanys joq», - delingen Qytaı Densaýlyq saqtaý mınıstrliginiń málimdemesinde.
Tergeý barysynda patsıentterdiń H5N1 vırýsyn juqtyrýlaryna deıin qustarmen baılanys jasaǵan ne jasamaǵany rastalǵan joq. Naýqastarmen tyǵyz baılanysta bolǵan tulǵalar medıtsınalyq baqylaýǵa alyndy.
