Qytaıda dúnıe júzindegi eń uzyn shyny kópir ashyldy
ASTANA. QazAqparat - Qytaıdyń Chýntsın qalasynyń qonaqtary endi jerge bulttardyń arasynan qaraıtyn bolady. Sebebi munda álemdegi eń bıik shyny kópir ashyldy. Bul týraly mir24.tv habarlaıdy.
Atalǵan kópir Aspanasty eliniń ortalyǵynda ornalasqan shahardy kip-kishkentaı ǵana etip kórsetedi eken. Óıtkeni onyń bıiktigi 700 metrdi quraıdy. Bir qaraǵanda, shyny kópir taýlardyń arasynda qalqyp turǵandaı áser qaldyrady. Jergilikti bılik erekshe kópirdiń resmı ashylýyn 26 sáýirge josparlap otyr. Al búgin onda serýendeýge tek tilshiler qaýymyna ruqsat berilgen. Joba jetekshisi alańda qoıylymdar men kórsetilimder uıymdastyrýǵa bolatyndyǵyn alǵa tartady. Buǵan deıin «Bulttaǵy kópir» Lýngan aýdanynda ashylǵan bolatyn. Onyń bir shetinen ekinshi shetine deıingi aralyq 26,68 metrge teń. Taǵy bir shyny kópir 2010 jyly Tbılısıdegi Kýra ózeninde ıtalııalyq Mıkele de Lýkkıdiń josparymen salyndy, dep jazady 24.kz.
