Qytaıda Dmıtrıı Medvedev túsirgen sýretterdiń kórmesi ótýde
ASTANA. QazAqparat - Boaodaǵy Azııa ekonomıkalyq forýmyna qatysýshylar Reseı Premer-Mınıstriniń ár ýaqytta túsirgen sýretter kórmesiniń ashylý saltanatynyń qurmetti qonaqtary boldy. Bıyl jyl boıy «Álem Dmıtrıı Medvedevtiń kózimen» fotoekspozıtsııasy Qytaıdyń iri ýnıversıtetteri, sondaı-aq, aspanasty eliniń iri halyqaralyq alańdarynda tanystyrylady, dep habarlaıdy ITAR-TASS.
Kórmeni uıymdastyrý týraly ıdeıa Medvedevtiń Hefeede - QHR Memlekettik keńesiniń premeriniń týǵan qalasynda Qytaıdyń ǵylym jáne tehnıka ýnıversıtetindegi stýdenttermen kezdesýinen keıin týdy. Reseılik premerdiń fotojumystary stýdentterdiń qyzyǵýshylyǵyn týǵyzǵan edi. «Sonyń nátıjesinde, sizder kórip otyrǵan fotosýreter Qytaıdyń fotosýretshiler qaýymdastyǵynyń suraýymen birneshe qytaılyq basylymdarǵa joldanǵan bolatyn», - dedi RF vıtse-premeri Arkadıı Dvorkovıch.
