Qytaıda dınozavr jumyrtqalaryn urlaǵan kúdiktiler ustaldy
ASTANA. QazAqparat - Qytaı polıtsııasy eldiń shyǵysynda 80 tasqa aınalǵan dınozavr jumyrtqasyn urlaǵan degen kúdikpen tórt adamdy ustady, dep habarlaıdy Bı-Bı-Sı agenttigi.
Prokýratýranyń habarlaýynsha, Van esimdi kúdiktiniń biri Chjetszıan provıntsııasyndaǵy osyndaı jádigerlerdi satyp alýǵa nıet tanytqan kollektsıonerlerdiń birine kelgen.
Eske sala ketsek, 9 qańtarda Van esimdi kúdikti úsh serigimen Shanhaı qalasynda dınozavrdyń jumyrtqalaryn qoldy etken.
Sınhýa agenttiginiń habarlaýynsha, urylar jumyrtqalardy ózara bólisip alǵan.
Van Heılýntszıan provıntsııasyndaǵy úıinde 27 jumyrtqany saqtap kelgen, ony polıtsııa tekserý kezinde tapty. Al qalǵan elýden astam jumyrtqanyń ázirge qaıda ekeni anyqtalmady.
Qytaı men Mońǵolııa - paleontologııalyq tasqa aınalǵan deneler kóp saqtalǵan elder qataryna jatady. Alaıda osyndaı qazba jumystary kontrabandashylardy da qyzyqtyrady. Olar urlaǵan dınozavr qańqalaryn shet elderdegi kollektsııa jınaýshylarǵa zańsyz satady.
