Qytaıda COVID-19 vırýsyna qarsy vaktsınanyń 100 mıllıonnan astam dozasy egildi
«2021 jylǵy 27 naýryzdaǵy jaǵdaı boıynsha Qytaıdyń túrli óńirlerinde koronavırýsqa qarsy vaktsınanyń 102,417 mln dozasy qoldanyldy» delingen vedomstvo habarlamasynda.
Osy aptada QHR bıligi sheteldik azamattarǵa COVID-19-ǵa qarsy halyqty vaktsınalaý baǵdarlamalaryna qatysýǵa ruqsat ashylǵanyn jarııalady. Atap aıtqanda, Beıjińde 18 jastan asqan sheteldik azamattarǵa koronavırýsqa qarsy vaktsınatsııa bastalǵanyn habarlady.
Vaktsınatsııa erikti túrde azamattyń óz esebinen qytaı óndirisiniń eki komponentti preparatymen júrgiziledi. Bir ınektsııa quny 93,5 ıýan (aǵymdaǵy baǵam boıynsha shamamen 14,3 AQSh dollary) bolady.
Qytaı bıligi profılaktıkalyq ekpe koronavırýsty juqtyrý qaýpin edáýir tómendetedi dep eskertedi. Alaıda, eshqandaı vaktsına COVID-19 vırýsynan 100% qorǵaýǵa kepildik bermeıdi. Vaktsınatsııa aıaqtalǵannan keıin qoǵamdyq oryndarda maska taǵý, jeke gıgıena jáne áleýmettik qashyqtyq erejelerin saqtaý kerek.
Sońǵy resmı málimetterge sáıkes, QHR-da koronavırýs juqtyrǵandardyń 94,67%-y emdelip shyqty. 2019 jyldyń jeltoqsan aıynan bastap aýrý juqtyrǵandar sany 90,1 myńnan asty, medıtsınalyq mekemelerde koronavırýs ınfektsııasyna shaldyqqan 167 adam jatyr. Ólim kórsetkishi 5,14% (4636 adam qaıtys boldy).