Qytaıda COVID-19 vaktsınasynyń 1 mıllıardtan astam dozasy engizildi
BEIJІŃ. QazAqparat – Qytaıda jańa koronavırýs ınfektsııasyna qarsy vaktsınalardyń 1 mıllıardtan astam dozasy engizildi. Bul týraly QHR Densaýlyq saqtaý isteri jónindegi memlekettik komıtetiniń málimdemesinde aıtylǵan, dep habarlaıdy QazAqparat.
Tıisti vedomstvonyń málimetinshe, jeksenbide 31 provıntsııa (avtonomdy aýdandar, ortalyq baǵynystaǵy qalalar) jáne Shynjań óndiristik-qurylys korpýsynda koronavırýsqa qarsy vaktsınalardyń 1 010 489 000 dozasy engizilgen.
Ótken táýlikte Qytaıda Covid-19 juqtyrýdyń 23 jańa rastalǵan jaǵdaıy tirkeldi (barlyq jaǵdaılar – syrttan ákelingen), ólim-jitim joq.
Sońǵy resmı málimetterge sáıkes, Qytaıda koronavırýstan patsıentterdiń 94,38%-y emdeldi. 2019 jyldyń jeltoqsan aıynan bastap koronavırýs juqtyrǵandar sany 91 587 adamǵa jetti. Ólim deńgeıi 5,06%-dy quraıdy (4636 adam koronavırýstan qaıtys boldy).
Rýslan Súleımenov
