Qytaıda COVID-19 ınfektsııasynyń jańa shtamy tabyldy

NUR-SULTAN. QazAqparat - Qytaılyq dárigerler COVID-19 indetiniń jeńil túrimen aýyratyn naýqastardyń birinde BA1.1. dep atalatyn koronavırýstyń jańa shtamyn anyqtady, dep habarlaıdy QazAqparat.

Covid-19 taralýyna jol bermeý jónindegi vedomstvoaralyq komıssııasynyń málimetterinshe, jańa shtamm «Omıkronnan» paıda bolýy múmkin. Ótken ol senbide Shanhaı mańyndaǵy qalada tabyldy jáne bir kún buryn Qytaıdyń soltústiginde patsıentten anyqtalǵan vırýsqa uqsas. Jańa shtamnyń qanshalyqty juqpaly ekendigi jáne aýrýdyń qanshalyqty jıi kezdesetini áli belgisiz.

«Sondaı-aq, qansha adam juqtyrǵany da belgisiz. Aldyn ala málimetter boıynsha, ol «Omıkron» shtamy sııaqty aýrýdyń asımptomatıkalyq aǵymyn týdyrýy múmkin. BA1.1. nusqasyna da, Omıkronǵada Qazaqstan Respýblıkasynda bar vaktsınalar men býsterler jaqsy qorǵanysh bolýy múmkin»,-delingen habarlamada.