Qytaıda COVID-19-ǵa qarsy 300 mln doza vaktsına egildi
BEIJІŃ. QazAqparat – Qytaıda jańa koronavırýs ınfektsııasyna qarsy 300 mln doza vaktsına egildi. Bul týraly senbi kúni QHR Densaýlyq saqtaý jónindegi memlekettik komıteti málim etti, dep habarlaıdy QazAqparattyń menshikti tilshisi.
Beıindi vedomstvonyń dereginshe, 2021 jyldyń 7 mamyryndaǵy jaǵdaı boıynsha 31 provıntsııa (avtonomııalyq aýdandar, ortalyqqa baǵynatyn qalalar) men Shyńjań óndiristik-qurylys korpýsynda barlyǵy koronavırýsqa qarsy vaktsınanyń 308 226 000 dozasy egildi.
Ótken táýlikte qurlyqtyq Qytaıda COVID-19 juqtyrýdyń 7 jańa shetelden kelgen oqıǵasy anyqtaldy, qaıtys bolǵandar joq.
Sońǵy resmı derekterge sáıkes, qurlyqtyq Qytaıda COVID-19 juqtyrǵan 94,56% naýqas jazylyp shyqqan. 2019 jyldyń jeltoqsanynan bastap koronavırýs juqtyrǵandar sany 90 myńnan asty. Ólim kórsetkishi – 5,1% (koronavırýstan 4 636 adam qaıtys boldy).
