Qytaıda burynǵy joǵary laýazymdy sheneýnik atyldy
ASTANA. Shildeniń 10-y. QazAqparat - Sársenbi kúni QHR bıligi atý jazasyna kesilgen Chýntsın qalasy ákimshiliginiń qoǵamdyq qaýipsizdik bóliminiń burynǵy basshysy Ven Tsıanǵa qatysty úkimdi oryndady, dep habarlaıdy "Shina.org" aqparat agenttigi.
Mýnıtsıpaldy Joǵarǵy halyq soty 21 mamyrda Ven Tsıannyń shaǵymyn qanaǵattandyrýsyz qaldyrǵan bolatyn. Ol 14 sáýirde birinshi ınstantsııalyq sotpen para alǵany, qylmystyq toptarǵa qol ushyn bergeni, zorlaǵany jáne óziniń aqsha qarajattary men aktıvterine jaýapkershiliktiń joqtyǵy úshin ólim jazasyna kesilgen edi.
Ven 1992 men 2008 jyldar aralyǵynda Chýntsın qalasynyń mýnıtsıpaldyq qoǵamdyq qaýipsizdik bıýrosynyń dırektorynyń orynbasary bolyp, keıin 2009 jyldyń qyrkúıek aıynda qamaýǵa alynǵanǵa deıin osy bıýronyń dırektory bolyp qyzmet atqarǵan.
Sotta 1996 men 2009 jyldar aralyǵynda Ven tikeleı ózi nemese áıeli arqyly jalpy kólemi 12 mln ıýan ($1 mln 760 myń) para alǵany aıtyldy. Sondaı-aq, Ven Tszıabao sheneýnikterge laýazymdardy satýmen aınalysyp, ártúrli kompanııalar men isker adamdarǵa zańsyz paıda tabýǵa jaǵdaı jasaǵan.
Sonymen qatar, Ven Tsıanǵa 756 500 ıýan kólemindegi para ala otyryp, bes birdeı uıymdasqan qylmystyq topqa jaǵdaı jasady degen aıyp taǵyldy. Onymen qoımaı, 2007 jyldyń tamyz aıynda Ven stýdent qyzdy masaıtyp alyp, zorlady, dep aıtylady úkimde.
Ven Tsıan 10 mln-nan astam ıýanǵa baǵalanǵan jeke múlkiniń qaıdan kelgenine jaýap taba almaǵan.
Onyń barlyq dúnıe-múlki tárkilenip, ol búkil saıası jáne qoǵamdyq quqyqtarynan aıryldy.
Ven Tsıan qytaılyq aqparat kózderi "onjyldyq isi" degen aıdar taqqan is aıasynda Chýntsın qalasynda byltyr qamaýǵa alynǵandardyń arasyndaǵy eń joǵary laýazymdy sheneýnik bolatyn. Ol kezde jergilikti 90 laýazymdy tulǵa jaýapqa tartylsa, onyń 42-sine qylmystyq toptardy jasyrdy degen aıyp taǵylǵan edi.
