Qytaıda burynǵy sheneýnik para alǵany úshin 16 jylǵa sottaldy
BEIJІŃ. QazAqparat - QHR Shensı provıntsııasyndaǵy Sııan qalasynyń ortasha satylyq soty Gýıchjoý provıntsııasyndaǵy Tszıýnı qalalyq partııa komıtetiniń burynǵy hatshysyn múlkin tárkileýmen birge 16 jylǵa bas bostandyǵynan aıyrý jazasyna kesti. Bul týraly «Sınhýa» habarlaıdy.
Lıao Shaohýa Lıýpanshýı qalasynyń meri jáne 2004-2012 jyldary Tsıandýnnan ýeziniń partııalyq hatshysy qyzmetin atqarý ýaqytynda jalpy somasy 13,2 mln. ıýan (2,1 mln. dollar) kóleminde para alǵany úshin aıypty dep tanyldy. Budan basqa, onyń qyzmettik ókildigin teris paıdalanýy saldarynan memleket bıýdjetine salyqtyq aýdarym túrindegi 3,1 mln. ıýan túspegen.
Sot sottalýshynyń 1,3 mln. ıýan (209myń dollar) qarajatyn tárkiledi. Úkim sottalýshynyń isine ókinish bildirýi jáne onyń zańsyz tapqan múlkiniń bóligin qaıtarýy eskerilip shyǵaryldy.
