Qytaıda burynǵy mınıstr ólim jazasyna kesildi
ASTANA. 8 shilde. QazAqparat - Qytaıdyń burynǵy temir jol mınıstri Lıý Chjıtszıýn ólim jazasyna kesildi, dep habarlaıdy VVS qytaı memlekettik jańalyqtar agenttigine silteme jasap. Eks-mınıstrge sybaılas jemqorlyq jáne bılikti asyra paıdalanǵan degen aıyp taǵylǵan.
Ótken jyly Lıý Chjıtszıýn óz qyzmetinen alynyp, Qytaı Kommýnıstik partııasy quramynan da shyǵarylǵan bolatyn. Mınıstr bolyp istegende ol asa iri kólemde para alyp, óziniń tanystaryna tıimdi kelisimsharttardy berip otyrypty.
Lıý Chjıtszıýn 2011 jyly Qytaıda 40 adamnyń ólimine ákep soqqan poıyzdardyń qaqtyǵysýynan keıin qatań synǵa alyndy.
