Qytaıda burshaq saldarynan myńnan astam úı qırap, 838 myń adam zardap shekti
ASTANA. 24 naýryz. QazAqparat - Ortalyq jáne Ońtústik Qytaıda burshaq aralas daýyldy jel myńnan astam úılerdi qıratyp, taǵy 138 myń úıdi zaqymdady, dep habarlady ITAR-TASS.
Azamattyq ákimshilik mınıstrliginiń habarlaýynsha, apat saldarynan sońǵy kúnderde 838 myń adam zardap shekti.
Tabıǵı apat aımaǵyna 42 qala jáne Chýntsın mýnıtsıpaldyq qurylymy jáne Tszıansı, Hýbeı, Hýnan jáne Gýıchjoý protsıntsııalary tap boldy. Keminde 150 myń adamǵa shuǵyl kómek qajet.
Hýnan provıntsııasynyń bıligi beısenbiden jumaǵa qaraǵan kúngi apat saldarynan úsh jergilikti adamnyń qazaǵa ushyraǵanyn qýattady. Budan buryn sársenbi kúni Gýandýn ońtústik provıntsııasynda tennıs dobynyń úlkendigindeı burshaqtyń saldarynan toǵyz adam mert boldy.
Zardap shekken aımaqtardaǵy tikeleı ekonomııalyq zalal 590 mln. ıýandy (95 mln. AQSh dollary) quraıdy.
