Qytaıda Búkilálemdik boks serııasynyń jekeleı syndaǵy aqtyq aıqastary ótedi
ALMATY. 27mamyr. QazAqparat /Erlik Erjanuly/ - Búgin Qytaıdyń Gýıjoý (Guizhou) qalasyndaǵy Gýıjoý ýnıversıtetiniń stadıonynda Beıjiń ýaqytymen 21.00-de Búkilálemdik boks serııasynyń eń úzdik boksshylary arasynda jekeleı synyndaǵy aqtyq aıqastar ótedi.
Astana men Beıjiń arasyndaǵy ýaqyt aıyrmashylyǵy 2 saǵatty quraıdy. Jalpy eki kúnge sozylatyn bul dúbirli doda kezinde Búkilálemdik boks serııasynyń reıtınginde úzdik shyqqan 10 bylǵary qolǵap sheberi ózara qolǵap túıistiredi. Buǵan deıin Makaoda ótedi dep josparlanyp kelgen bul básekede jeńimpazǵa 20 myń AQSh dollary men Olımpıada joldamasyn berý kózdelgen. Olar London Olımpıadasy kezinde Búkilálemdik boks serııasy jeńimpazy retinde óner kórsetpek.
Sharshy alańda aldymen 54, 61 jáne 91 keliden joǵary salmaqtaǵy boksshylar saıysqa túsedi. Olardyń arasynda Qazaqstannan «Astana arlandary» komandasynyń 2 boksshysy bar. Olar 54 jáne 61 keli salmaqta synǵa túsein Qanat Ábýtálipov pen Erjan Músápirov. Qazaqstandyqtardyń qarsylasy "Parıj ıÝnaıted" komandasynan frantsýz Nordın Oýbaalı (Nordine OUBAALI) men "Beıjiń aıdaharlary" komandasynan qytaılyq Jımın Vang (Zhimin WANG) bolmaq. Al asa aýyr salmaqta ıtalıandyq Klemente Rýsso ázirbaıjandyq Magomedrasýl Medjıdovpen jekpe-jekke shyǵady. Erteń bul saıys 73 pen 85 keli salmaqtaǵy boksshylar arasynda ótedi. Onda ýkraınalyq Sergeı Derevıanchenko men ázirbaıjandyq Soltan Mıgıtınov, aljırlik Abdelhafıd Benshabla (Abdelhafid BENCHABLA) men frantsııalyq Lýdovık Grogýhımen kezdesedi.
